|
SubscriptionsSites I Read
|
|
|
|
| 久別一個月,發生了很多事 先是四 '空巴三三零' 既訓練 依家波音七七七同空巴三三零既機都可以飛了 之後做了一班 '星2' 新加波-香港-三蕃市-香港-新加波 係香港既兩 三日,都係陪下家人,見下朋友仔 三蕃市,今次去了 '監獄島'-ALCATRAZ 從前係囚禁重犯既監獄,依家為保育區,對外開放參觀 先係酒店訂了廿六美元既船票,再去 Cheese Cake Factory 食個豐富午餐 之後坐電車到漁人碼頭附近轉船 其實都無乜特別,有部導遊機俾你邊行邊聽故仔 留左三個鐘左右就返到碼頭 睇下海獅,食個海鮮餐 開開心心既一日遊         
開心過後..... 三蕃市-香港既班機,降落前三小時,正開始派早餐時 突然有乘客暈倒於Galley入面,無呼吸無心跳.... 好彩機上剛好有兩名醫生一名護士急救 霎時間有點亂,幾位同事到要留守協助 早餐只得返兩三個同事去派... 有自私既客仲淨係掛住食,嫌我地做得慢,太過份了 派到一半....要緊急降落台北桃園機場,得十分鐘時間.... 真係亂到爆....同事拿出大大個垃圾袋,要客將tray掉入去 有幾個好心人到起身幫手傳遞... 什麼東西都塞入galley既雪櫃同洗手間 總算安全降落,個客到救得返... 最後只係台北停了一小時,就再起飛返香港 真的是畢生難忙既一班機.... | | |
| 牙加達後,飛了日本大板,義大利羅馬 在大板花光了現金幫RINA同EUNICE買Fancl 同 hairspray 才發覺銀行的提款機不接受 CitiBank Visa 同 DBS 卡 銀包裡只剩800 YEN ,午餐加晚餐 精打細算係超市用盡 800 YEN 提子 (280) 布甸 (98) 三文魚飯 (198) 4件壽司 (98) 綠茶雪糕 (100) 剛剛好! ………………………………………. 羅馬6天,有兩日半 clear day 許願池,鬥獸場,梵帝崗,萬神殿,真言之口….全都去了     
   
今次最特別的是有一天跟國泰同事一齊行 第一次跟一班香港人係外地遊覽,感覺很親切 可惜依然不能改變我對義大利既壞印象 先是一個‘大連’女子 開頭會留意佢,是因為一身潮爆服裝,係面前四圍蕩 一面迷茫,同警察雞同鴨講 正坐著小休既我同YY,商量後決定上前幫個忙 原來大連來既阿姨被旅行團遺棄了 問佢住邊間酒店,唔知 身上只有錢同無講住邊既行程紙+領隊電話號碼 警察耍手擰頭..’NOT A ROME NUMBER!’…唔肯打 阿姨又無電話…算啦,我幫你打… 總算有人接….擾嚷一輪…領隊竟然唔肯回頭接她!! 要佢自己坐的士去下一站’鬥獸場’,仲要話 ’快!!快要走了,遲了不等!’ 五分鐘既車程,我請求警察載她,又係耍手擰頭 兩個趕收工調轉頭走人,一 個唔知講乜話要同架警車一齊留係度 叫阿姨自己坐的士去,阿姨要生要死,唔敢一個人坐,去到又無電話…. X!! 幫人幫到底, 結果我同YY 陪阿姨坐的士到那邊 總算找到團友了…阿姨感動得要流淚 至於我,全程黑面 怒那些警察愛理不理,無用既一群 怒那不負責任既領隊 怒那不理朋友既團友 點解可以咁樣!! 這是什麼世界… 後來還發現,那通話費,7 SGD一分鐘 推來推去,講了差唔多10分鐘, 70 SGD呀….. 多謝我地既同情心…. 當晚食飯還入了黑店 上菜慢,追order被罵,難食過tesco既丁丁即食既野 諗住唔叫野飲,慳錢食雪糕 24 EURO臨尾加 6 EURO service charge 差唔多25%, 問佢既% service charge, 話20% 話因為無叫野飲要多俾D,有問題入去同manager講 擺明係搶,講都係sai 氣,幾EURO,撻俾你!! 義大利人憑什麼歧視亞洲人,憑什麼用這態度去對遊客 只不過是靠一堆二堆石頭,靠古時留下來既文化遺產,靠LV/GUCCI… 說現在,跟亞洲真的差很遠!  | | |
| 八月尾 九月頭
飛了瑞士蘇黎世,澳洲墨爾本,紐西蘭奧克蘭,荷蘭阿姆斯特丹等
係蘇黎世同YY坐了兩個多小時火車到Flumsemberg登高
到了火車站仲要轉廿分鐘巴士先到山腰…
行上行落差不多三小時,都仲未上到山頂
其實上山頂係要再坐纜車的…
沿途講講笑笑,有個朋友一齊旅行係開心D
今次火車+巴士要七十瑞士法廊,頗貴既一個行山trip..
臨走前還在市中心試了傳統芝士火鍋
第一次食,唔講唔知原來係會加酒精係入面
唔受得既要事先揚聲
其實都無想像中咁好食,不過勝在飽肚       
五天例假
去了日本東京同阿媽慶祝生辰
第一次坐三八零,隻窗好大
全程豪食,好飽既一個美食團
      
墨爾本,第一次去
好好彩當地有朋友仔
係我以前係Jardine既師父 Shasha
一落機無乜休息過就出發去玩了!
      
拿住'P'牌既Shasha先是車了我去St Kilda Beach
行下行下係海邊發然疑似膠袋物體
行近看,原來是一隻死左既水母…好核突呀…
海灘旁邊有個好荔園feel既主題樂園
入去參觀過後,去蛋糕店填肚
這裡有好幾間蛋糕店,全都是古式古香既蛋糕
雖然有點貴,都算既好食
之後飛車去Brigton Beach看日落
可惜…慢了一步,真的是一步
明明車上還可以看到那‘咸蛋黃’
下車行落到海灘,蛋黃已沉了
還好沿著海灘有一排色彩繽紛既小屋
好像是租水上用具既小店
總算不往一行
第二次到奧克蘭
同Mark,Phoebe去了一個叫Waiheke既島
去了兩三個島上既海灘,很長很美
不過是冬天既關係,水靜鵝飛
      
之後同Kent試了出名既Whitelady Burger
車仔檔,餐廳價,都幾好賺
阿姆斯特丹
多年前同父母看了風車,芝士
今次重臨,自己一個係市中心行行行            
行到腳軟先返酒店
什麼紅燈區,火車站,花市,市集,公園都行過
很累,也想很多…
不是這份工作,會有機會走過這裡既大街小巷嗎?
但另一方面又對工作開始厭倦了
不大想跟同事吹水
裝著假的笑容去對客
只想快點到達目的地 合約還有半年就完了
去,還是留?
香港,還是新加波?
還是到時才作打算?
就是喜歡自尋煩惱…
長途機後,難得三天假
卻換了班牙加達機來做
雖然心裡口頭都是不想飛不想飛
但是放假閒著又有什麼意義
| | |
| 上星期去了Christchurch - 基督城 久違了的冬天,走在街上,太舒服了 一個人上路 去了市中心附近的Botanical Garden 冬天的花園,沒什麼色彩 黃葉綠葉輕黏在樹枝上 寧靜的空氣,粉藍的天空 氣氛出奇地和諧      
第二天坐了約三十分鐘巴士 到了一個叫New Brighton的小市鎮 落車行不用三分鐘,就到海邊了 可能有點誇張,但當我看到這個海灘 真的呆了一會,很美 頭一次想,所謂的天堂,是否這裡? 不見對岸的海,無盡頭的沙灘 日落的柔和光線 射在正自得其樂的小朋友與小狗 射在木頭上看海的情侶 射在放風箏的同胞... 很美       
看到那金魚風箏嗎? 配上藍天,就像一條活生生在游的魚! ------------------ 基督城後,跟接倫敦 同Katherine步行觀光       
很累的一班機,很累的一個步行團... | | |
| 眨眼間又幾個禮拜 去了日本大阪,澳洲悉尼 大阪...今次終於無入醫院了! 跟兩個同事行下街,食了很多很多 日本 is the BEST =D     
飛了一年,才第一次到悉尼 跟柏斯布里斯本一樣 最美的,仍是那又高又藍既天空     
近來經常覺得很累... 工作上,生活上 明明是不需怎去用腦的工作 明明放假很空閑 就是什麼都提不起勁 有時想找個人聊聊食餐飯,但家裡個個都身在異地 什麼都沒有的那個時候,會想家,想父母,想親人,想朋友,想人生意義 想到累了,又是新一日既開始,又或是另一個循環 還好的是....有座鋼琴陪住我 不至於抑鬱至病.... --------------------------------- 今次悉尼,發現左搖頭族隨'whisky 屈他'外既另一口頭蟬.... 做 Drink service時, 有幸服侍三行大概七個搖頭族人 我: 'Sir/Madam, any drinks for you?' 搖甲: 'Apple Juice....no ice' 搖乙: 'Orange...No Ice' 搖丙: 'Tomato Jucie....NO ICE!' 搖丁: 'what do you have?.... 屈他....NO ICE!' 。。。 。。 。 X!!! 好煩呀!!! 知啦知啦...知你 no ice 啦!!! 有時無 ice 又話要 ice, 有 ice 又話唔要 ice.... ICE your shaking heads!!! 自此...'no ice' 成了我繼 'whisky 屈他', Masala Tea 後既第三個毒咒... 每次聽到這些毒咒...腦裡都會 '啪' 一聲 大概十多聲後就會開始中毒,面部逞黑.... 兩個禮拜後將有一班搖頭機... 想信第四五六個毒咒將會出現.... | | |
|
